Band
In den beginne
We schrijven het jaar 2000.
Mitsjel(bouwjaor ’86) en Willem(bouwjaor ’81) kwamen nao een aovond Gelstersfeest zo dikke as dree doezend man weer thuus. Maor zoals altied waren disse jongs dr nog lang niet an too um te gaon slaopen. Dus werd ‘t olde Egmond gitaartje van ma Kössink maor weer ‘ns veur ‘t leer gehaald.
Dit olde beestje werd toen tut laat in de nacht (vrog in de morg’n) nog gruwlijk smeer gegeven!. De ene grote hit van Jovink nao de andere en alleen keiharde rock & roll en anders niet, want de jongens waren echte rockers!!!
Tut op een gegeven moment pa Kössink naor beneden kwam stoeven en ons vriendelijk verzoch um ‘t noe toch gvd is rustig an te doon, want ma mos ‘n andere dag naor de karke en kon neet slaopen! Zo gezeg zo gedaon.
Mitsjel was op dat moment de enige met een helder moment en zei teeg’n Willem: “Wie mot hier eigenlijk wa gewoon met vedan, kuw neet een band beginnen ofzo” Willem zei: “Okee dat lik mie een goed plan!”
Dree jaor later.
Afijn in dee 3 jaor die daor op volgden hebt ze dat zo’n betjen elke wekke wa teeg’n mekare ezeg, maor ie raod ‘t al: dr kwam dus gin ene kloot’n van terecht!
Tut op een mooie zommerse dag in juli 2004 Willem en Mitsjel hebt beslott’n een keer wat nummers te gaon spöllen van Jovink. De ideale plek um dit te doen was uiteraard de grote kapschure bie Mitsjel zien va en mo op’n plas.
Mitsjel had een gitaar, Willem een drumstel en….jao noh dat was ‘t dan ok wa zo’n betje.
“Maor dan motte wie dr nog ene hebb’n veur de basgitaar!”,werd vrolijk ezeg. “Tja das waor ok”
“Ik heb wal een neafke den ok gitaar spölt, zei Willem. “Eh….haal an!” was het resolute antwoord van Mitsjel. Een belletje en ‘t was in orde; daor kwam Maarten Meerbeek met zien scheve Hohner gitaartjen en een Peavey buizenversterker van 100 watt! Alderjeekes wat knapp’n dat ding d’r op! En doar ging ‘t hen: Willem op drums en Mitsjel en Maarten op de gitaren, Bartje dr bie veur de gezelligheid en Dick van de Bik dr bie met een betjen geluud. ‘t Repetoire ging tut dat moment niet wieter dan “Brommers Kieken” en “An de kan”, maor dat maak de jongs gin bal uut. Ging niet goed maor wal hard, en daor geet ‘t um!!!
“Dat mo’w vaker doen”
Nao dee bewuste zommerdag in juli 2004 werd afgesprokken um dit dan maor op een wat regelmaotigere basis te gaon doen, “Jao dat doew!!!”
Maor ie raod’t al: ok hier kwam natuurlijk weer helemaol niks van terechte…
En dat sukkelden dus allemaol zo een betjen verdan en Mitsjel en Willem spölden nog steeds alleen in de late uurtjes op hun akoestische gitaren, waor overigens Bart Gemser(kameraod van de jongs) ok altied bie anwezig was. Altied nao tentfeesten of andere feesten want dan waren de jongs dikke. Dat zelfde gebeurden op de Zwarte Cross in 2005, daor gingen ze al een aantal jaoren hen, want de jongens waren uiteraard nog steeds grote fans van de Jovinx! De aovond veur dat de jongens vertrokken naor het festival terrein(toen nog in Halle) werd dr een ere ronde gemaakt en de totaal verbouwde caravan werd vertoond an ‘t enthousiaste publiek in Gelselaar(Gelster). Ok disse keer hadden de jongs 2 akoestische gitaar barrels gekoch bie de Blokker veur 2 tientjes en daor werd dan ok op de ereronde deur ‘t dorp op gespölt. Betje bie betje kwamen steeds meer leu uut de huuze daor in Gelster en werd dr een spontaan feestje gebouwd rondum dee caravan van de jongs.
In dat jaor hebt Mitsjel, Bartje en Willem dus wal de neudige naamsbekendheid opgebouwd in ‘t dorp(hoe kan’t ok anders in een dorp met 700 inwoners) en werden ze dus steeds vaker gevraogd um argens op een klein feestje een paar nummers te kommen spöllen. ‘t Begon allemaol op een feestje van Jeroen en Erna Koeslag waor Mitsjel en Willem waren uutgeneudigd um te kommen helpen achter de tap. Met alle plezeer want ‘t bier was gratis!!! Daornao dus op ‘t letste van de aovond een paar nummers gespölt en dat veel eigenluk dreks in goeie aarde bie de leu dee d’r waren. Het nummer “Lieve Rikie” noe umgedoopt tut “Lieve Erna” en “Honderd lentes wieter” waren de tranentrekkers van disse aovond.
De “Kofferband”
Nao nog wat van die feestjes werden Mitsjel en Willem uutgeneudigd deur Bas te Velthuis um een keer te kommen spöllen in zien cafe in Borculo: Holland Spoor.
Dat werd meteen met beide handen an’epakt en dreks werd dr een drummer geregeld(want den was dr nog niet) hierveur werd Perry Reimink, een schoolkameraod van Willem, veur gevraogd. En den zag dat wal zitten.
Daor ging ‘t hen, het allereerste officiele optreden wat werd betaald met bier in cafe Holland Spoor in Borculo! Dit optreden mos ok zonder repeteren gebeuren want daor hadden ze gin tiet meer veur. Dus Perry een cdtje in de hande ‘edrukt en gezeg: “red oe d’r met!!!”
Het optreden ging uuteindelijk nog best aardig en ze hadd’n de hele aovond gratis bier, dus wat wil ie nog meer?…………..
Twee wekke later was’t zowiet: de Jovink fanclub dag! Wat disse keer werd gehollen in Borculo, dus dat was een mooi thuuswedstrijdje um ‘t zo maor te zegg’n. Hierveur werd de verbouwde caravan weer veur ‘t leer gehaald. Dus op naor Borculo!
Eerst hadden de jongens nog een schnabbel in Borculo. Ze waren namelijk gevraogd um in Borculo op een familie dag een aantal nummers te spöllen. Ok dit optreden hebt ze met zien dree’n edoane. En daornao dus geliek naor Kerkemeier in Borculo waor de fanclub dag werd ‘eholn. En zelfs Perry ging d’r met hen, want den had ondertussen ok mooi de smaak te pakken ekreeg’n van dee Achterhoekse Rock & Roll. Toen de Jovinks spölden werd op een gegeven moment Mitsjel uut de zaal gepikt en op de buhne gezet met de gitaar van Cohen in de klauwen. Dat moj dus bie Mitsjel niet doon, want daor knapt’n het hen: Ongeloveloos live gespölt deur Mitsjel en de rest van Jovink. Oh oh wat was ‘t kearltje trots!!! En Perry en Willem bleven eenzaam achter daor bie al dee andere Voederbietels….
Later op de camping ging’t d’r gruwlijk heer! De Blokker gitaren waren weer met en ok was dr deur Perry een drumstel in mekaar gebouwd met een koffer als bassdrum. Daorum was ok de naam “Kofferband” snel verzonnen. Midden in de nacht kwam ok de nieje sologitarist Hendrik-Jan Bökkers dr bie en voegden zich gemeudelijk tussen de jongs van de “kofferband”, wat een feest!!!! Want tut late in de nacht werden noe alle olde nummers van Normaal weer effen opgerakeld. Gin wonder dat hee efkes later”de Normaal coverband” oprichte.
Nee, maor dan noe echt serieus, ok?
Nog dee zelfde zommer werd ‘t plan geopperd um dan noe toch echt maor ‘ns een keer serieus een band te gaon beginnen. Een drummer en een solo gitarist, dat hadden ze neudig, wat ondertussen had Willem de keuze gemaakt um de bas gitaar te gaon spöllen en Mitsjel de slaggitaar en leadzang. Willem had ondertussen al wat veurbereidend wark gedaon deur veurzichtig wat mensen te peilen die eventueel wal met wilden spöllen. Zo kende hee namelijk Berjan Morsink uut Diepenheim dee samen met Willem in het “Trompetterkorps der Koninklijke Marechaussee” zat. Berjan was geliek enthousiast en pakken dreks de agenda veur de 1e repetitie. “Wanneer mot dat gebeuren?” het nieuws dat dr eerst nog een solo gitarist mos kommen veel um dus ok zwaor op’t dak, want hee wol leever gister beginnen met dat bendjen dan vandage. Rock & roll mut dr kommen was ok zien motto!!!
De solo gitarist was zo gevonden! Bie een bandje genaamd “Soul Made” mos Willem een keer invallen op drums. Tijdens de repetitie was ‘t contact met Dorus Wolters, de gitarist, al heel goed. En helemaol toen hee tijdens dee repetitie zo in een keer uut ‘t niets ‘t eerste gitaar riffje spölde van ‘t geet hier spoken. Toen was ‘t in orde!!! En dreks hef Willem Dorus gevroagd met te spöllen. Daor hoofden Dorus neet zo lange aover nao te denken, het antwoord was ook: “waor, wanneer, hoe laat en hoevul bier hebt ze in de koelkaste!!” kortom ook Dorus was enthousiast!
De eerste repetitie met disse nieje bezetting was ook bie de va en mo van Mitsjel in de kapschure.
Knapp’n met die pröttel!!!!
Hiernao hef ‘t allemaol een betje op zien gat geleagen want Dorus ging studeren in Nijmegen en spölde ok al bie een andere band, Berjan had ook al een andere band en zowiezo drokte in de muziek, dat ging Willem net zo, en Mitsjel eigenlijk ok dus de zin was dr wa, alleen de tied neet!
Toen dit een half jaor later allemaol een betje bie etrokk’n was hebt de jongs beslotten um dr dan maor ‘ns serieus wark van te gaon maken en maor ‘ns een mooi optreden te regelen en wat regelmaotiger te gaon repeteren.
Dit gebeurde dan ok, en nao wat repetitie’s bie Crossroads Studio’s in Borculo werd dan op 26 april 2008 het eerste concert gespölt van de nieuwe rock & roll sensatie van de achterhoek: Vol Gas!!!!
Umdat de jongens hier onmeundig völle reclame veur hebt gemaakt zat de zaal (Florijn in Gelselaar) bomvol!! En disse aovond was dr een um nooit te vergetten, kortom klasse!!!!!
Nog veur de try-out werden alweer 3 optredens dr bie angenommen en hebt de jongens geliek in hun eerste wekke 3 keer opgetreden veur publiek.